Rruga e lumit të Vlorës – Rama: Ka nisur puna edhe në segmentin e fundit
Kryeministri Rama ka njoftuar se kanë nisur punimet edhe në segmentin e fundit të rrugës së lumit të Vlorës. Kjo rrugë me gjatësi rreth 100 kilometra do të lidhë “Bypassin” e Vlorës me Qeparoin duke kaluar nëpërmjet Urës së Peshkëpisë, Urës së Laskos, Kuç-it dhe një sërë fshatrash të tjerë. Gjithashtu do të ketë dhe një degëzim me kryqëzimin e autostradës Levan-Tepelenë.
Aksi është financuar nga Qeveria Shqiptare, Fondi i Kuvajtit dhe Fondi Saudit, dhe do të lidhë qarkun e Vlorës me bregdetin Jonian, me standardet më bashkëkohore. Më herët kjo rrugë paraqitej në gjendje të amortizuar dhe në disa segmente e pakalueshme, për shkak të dëmtimeve të rënda.
Projekti synon të ndihmojë duke krijuar një dalje të shpejtë dhe direkte të produkteve të zonës në tregjet vendase dhe të rrisë mundësitë për të stimuluar industri përpunuese të prodhimeve bujqësore e blegtorale. Gjithashtu do të mundësohet një hapësirë e re, në funksion të nxitjes së turizmit. “Me mbylljen e këtij segmenti merr jetë një ndër rrugët turistike më panoramike të Shqipërisë,” shkruan Rama.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.