Sa e dëmtoi ekonominë shqiptare tërmeti? Detajet e raportit: Ndryshojmë projeksionet e rritjes. Ku pritet përkeqësim në 2020

Tërmeti i 26 nëntorit të vitit 2019 ka detyruar qeverinë shqiptare të rishikojë projeksionet e saj afatmesme. Në raportin e detajuar të siguruar nga gazetarja e SCAN Elisabeta Dosku shkruhet se si rezultat i tërmetit, rritja reale e Prodhimit të Brendshëm Bruto përgjatë 2019 dhe 2020 vlerësohet të jetë më i ulët  sea pritej për shkak të dëmeve të shkaktuara dhe nevojës për rikuperim.

“Si rrjedhojë, ekonomia shqiptare projektohet me rritje 2.4 % në 2019 dhe 3.2 % në 2020 ndryshe nga përpara tërmetit që ishte parashikuar përkatësisht 2.9 % dhe 3.5 %” shkruhet në raport.

Tërmeti pritet që të ndikojë më tej edhe të financat publike, vijon raporti. Në të evidentohet ndikimi në rritjen e deficitit fiskal, përkeqësimi në deficitin tregtar dhe në deficitin e llogarive korrente.

“Edhe pse aktiviteti ekonomik parashikohet të ngadalësohet si rrjedhojë e pasojave të tërmetit, disponueshmëria e burimeve të ndihmave për rindërtimin do të ndihmonte të përshpejtonte rimëkëmbjen ekonomike dhe të ulë ndikimet negative në financa publike” evidentohet në raport.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.