Shoqata e Investitorëve të Huaj paraqet dhjetë kërkesa për partitë politike: “Të merren parasysh për të zhvilluar ekonominë në 4 vitet e ardhshme”

Shoqata e Investitorëve të Huaj  (FIAA) nëpërmjet një manifesti kanë bërë disa kërkesa në drejtim të qeverisë shqiptarë që sipas tyre janë kushte të domosdoshme për të zhvilluar më tej ekonominë tonë në katër vitet e ardhshme.

Një kërkesë kryesore që bie në sy është të çuarit përpara e reformës në drejtësi si një element kyc për përmirësimin e klimës së biznesit. Në një deklaratë zyrtare FIAA cilësoi se janë bërë hapa para, por sfida të mëdha mbeten përpara.

Në prag të zgjedhjeve parlamentare FIAA u kërkon Partive Politike të shprehin qartë në programin e tyre mbi sfidat kryesore të Shqipërisë që sipas Shoqatës janë:

1-Nevoja për përmirësim të menjëhershëm të sistemit gjyqësor shqiptare.

2-Nevojë për rregulla të përmirësuara procedural, duke siguruar në veçanti transparencë më të madhe në vendimet paraprake të administratës fiskale në tërësi si dhe respektim të rimbursmit të TVSH-së.

3-Përmirësim i procesit të lejeve duke pasqyruar nevojat e industrive specifike dhe zvogëlim i vonesave në marrjen e lejeve të ndërtimit.

4-Kordinim më i mirë mes autoriteteve qendrore dhe atyre lokale për të shmangur veprimet arbitrare kundër bizneseve që janë vendosur në njësitë administrative.

5-Përmirësimi i dialogut me biznesin dhe reagim i duhur i institucioneve përgjegjëse me të cilët investitorët e huaj dhe vendas punojnë në Shqipëri.

6-Mbështje për dixhitalizimin e mëtejshëm të administratës publike dhe veçanërisht në drejtim të ndarjes se të dhënave me subjektet private, më të shpejtë, më të sigurte të shërbimeve.

7-Krijimi i një “Fondi të fondeve) skemë garancisë në mënyrë që të krijohet një nivel më i lartë mbrojtje për bizneset  në rastet e katastrofave mjedisore apo shëndetësore si kjo e COVID-19.

8-Mbështetje për ekonominë e shkallës duke kombinuar grande publike me fonde private, sidomos në ekonominë rurale.

9-Rritja e investimeve publike  në arsimin profesional me qëllim përhapjen e kulturës së sipërmarrjes në brezin e ri.

10 Fokus në konkurrencën e për të nxitur investimet. Projektet e reja të jepen përmes një procesi konkurrues.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.