Shqipëria merr 10 mijë vaksina të tjera BioNTech/Pfizer të dërguara nga BE / Priten 150 mijë doza deri në fund të gushtit

Sipas një njoftimi të publikuar në faqen zyrtare të Bashkimit Europian në Shqipëri është bërë me dije se një tjetër dërgesë vaksinash ka arritur në vendin tonë.

Dërgesa javore e vaksinave anti-Covid19 mbërriti në Shqipëri mbrëmjen e kaluar me gati 10,000 vaksina BioNTech/Pfizer të financuara nga Bashkimi Europian dhe të mundësuara nga Austria.

Një total prej rreth 150,000 vaksinash priten t’i dorëzohet Shqipërisë deri në fund të gushtit për të ndihmuar vendin të mposhtë pandeminë shkruhet në njoftim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.