Shqipëria, mishin më të shtrenjtë në rajon! Sa 72.5% e mesatares së BE, mbi disa shtete të unionit
Shqipëria ka mishin më të shtrenjtë në rajon, thonë të dhënat më të fundit të zyrës europiane të statistikave. Në vendin tonë, mishi ka një çmim të shprehur në paritetin e fuqisë blerëse, sa 72.5% e mesatares së Bashkimit Europian.
Asnjë vend tjetër i rajonit të Ballkanit Perëndimor nuk e ka këtë normë kaq të lartë. Për të gjitha vendet e rajonit norma është nën 70%. Madje, sipas të dhënave të eurostat rezulton se, janë disa shtete europiane, disa edhe të Bashkimit Europian ku mishi është më i lirë se në Shqipëri, si Bullgaria, Rumania, Lituania, apo Polonia. Në Bashkimin Europian, Austria është vendi më i shtrenjtë për të konsumuar mish, me një çmim sa 145% e mesatares europiane.
Në Europë ndërkohë, në vend të parë qëndron Zvicra, me çmimin e mishit 234% mbi mesataren europiane, të shprehur në paritetin e fuqisë blerëse. Pra, mbi 2-fishi i mesatares europiane dhe mbi 3 herë mesataren e vendit tonë.
Roel Korkuti/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.