Shqipëria në valët e të nxehtit Afrikan në fundjavë, kujdesi që duhet të tregoni
Shqipëria do mbetet në periferi të valës së të nxehtit Afrikan, e cila gjatë mesditave të kësaj fundjave, sjell temperatura mbi 30°C në 90 për qind të territorit shqiptar.
Sipas Meteoalb në zonat malore temperaturat maksimale variojnë nga 31 në Juglindje deri 35°C zonat Verilindore (Kukësi); në bregdet dhe zonat e ulëta temperaturat maksimale ngjiten në 35 – 36°C por në zona specifike pritet që temperaturat maksimale të ngjiten lehtësisht mbi 38°C.
Dita e hënë sjell rënie të ndjeshme të temperaturave, vlera të cilat janë lehtësisht mbi maksimumet tipike mujore dhe do të vijojnë me luhatje të lehta deri në mesjavën tjetër.
Po cilat janë disa nga rregullat e zakonshme për t’u mbrojtur nga temperaturat e larta apo të nxehtit? Instituti I Shëndetit Publik jep një sër këshillash:
1.Evitoni nëse është e mundur daljet nga shtëpia në orët e nxehta të ditës,11.00 – 17.00
2.Vishuni lehtë, me veshje pambuku, me rroba të gjëra, dhe ngjyra te hapura, si në
shtëpi edhe kur dilni nga shtëpia
3.Mbani në kokë kapele, çadër dhe syze kur dilni jashtë
4.Mbani shtëpinë sa më të freskët. Hapni dritaret herët në mëngjes dhe në mbrëmje
vonë. Mbani mbyllur dritaret gjatë ditës
5.Temperaturat në shtëpi duhen mbajtur deri në 25-27 ° dhe asnjëherë jo më shumë
se 5-6° më pak se ambienti jashtë.
6.Evitoni korrentet e mundshme
7.Freskohuni herë pas here me ujë të freskët, duke bërë dush, ose duke u lagur me
peceta për të ulur temperaturën e trupit, në krahë, qafë, ballë.
8.Pini lëngje ose ujë në mënyrë të mjaftueshme të paktën deri 2 litra në ditë
9.Mos përdorni pije alkoolike, lëngje me shumë sheqer apo kafeinë
10.Konsumoni vakte të lehta me përmbajtje të lartë uji, si zarzavate, fruta
11.Gatuani dhe ruani ushqimet të sigurta
12.Evitoni aktivitete fizike të forta, sidomos në orët e nxehta të ditës,11- 17
13.Tregoni kujdes për fëmijët, të moshuarit, personat e sëmurë apo edhe të vetmuar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.