“Shqiptarët, të papërfaqësuar nga politika”, Sondazhi IDM: Rritet numri i personave që nuk duan të dalin në votime

Rritet numri i shqiptarët që nuk dëshirojnë të dalin në votime. Rezultati ka dalë nga sondazhi i Institutit për Demokraci dhe Ndërmjetësim dhe zyra e Institutit Demokratik Amerikan (NDI) në Shqipëri, për angazhimin politik për 2020.

Sipas disa gjetjeve të sondazhit rezulton se:

1. Krahasuar me vitin 2016 shqiptarët shohin më shumë mundësi për angazhim në nisma qytetare se në parti politike.
2. Qytetarët duan të dinë kush i financon partitë politike, kandidatët përkatës dhe si shpenzohen këto para. Pjesëmarrësit në fokus grupe, besojnë se ky informacion nuk jepet.
3. Prej votuesve të pavendosur ose atyre që nuk do të votonin (që përbëjnë 52% të kampionit) 44% pohojnë se ndihen të papërfaqësuar nga partitë politike dhe 27% se partitë nuk do të mbajnë premtimet e dhëna në fushatat elektorale.
4. Shqiptarët ndihen të shkëputur nga qeveria dhe politika, shumica shprehin pakënaqësi me punën e institucioneve të qeverisjes dhe strukturat e opozitës.
5. Probabiliteti për të votuar ka rënë me 21 % krahasuar me 2016, duke reflektuar zhgënjim me strukturat e qeverisë dhe opozitës. Qytetarët ndihet të papërfaqësuar nga partitë politike.
6. Shqiptarët janë shumë kritikë ndaj tansparencës së parlamentit në përgjithësi: 3 nga 10 pohojnë se parlamenti ka qenë transparent në kohën e pandemisë nga Covid-19.
7. Shumica e të rinjve nga 18- deri në 30 vjeç raportuan nivelin më të ulët të njohurive për politikën dhe kanë interesin më të ulët për politikën.

Marzhi i gabimit të këtij sondazhi është me vetëm 2.5 %.

Arbër Hitaj / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.