Si 5G mund të ndryshojë gjithçka, nga muzika deri tek mjekësia
Teknologjia celulare e “brezit të ardhshëm” pritet të fuqizojë makinat vetë-lëvizëse, realitetin virtual, qytetet e zgjuara dhe robotët. Ericsson (ERIC) është bashkuar me studiuesit nga King’s College London për të përfytyruar aplikacionet e ardhshme për 5G. Ata janë duke kërkuar çdo gjë duke nisur nga muzika deri tek mjekësia.
Ekipi është i përqendruar në përdorimin e teknologjisë për të transferuar aftësitë fizike nëpër rrjet, duke krijuar diçka që ata e quajnë “interneti i aftësive.”
Për shembull, kirurgjia në distancë, e cila ka funksionuar edhe më parë, pritet që me shpejtësia 5G të eliminojë të gjitha vonesat. Kjo nënkupton se kirurgu mund të marrë reagime të menjëhershme përmes dorezave të të dhënave.
“ Me 5G dhe arkitekturën e re të rrjetëzimit që ne po ndërtojmë, shpresojmë që kjo vonesë të ulet vetëm sa shpejtësia e dritës”, tha Mischa Dohler, profesor në King’s College.
Dohler, po ashtu po planifikon të dixhitalizojë gjithashtu edhe aftësitë e tij të pianos dhe të mësojë njerëzit në distancë për të zotëruar instrumentin.
Për të realizuar këtë, Dohler ka provuar të mbajë një dorezë të dhënash të cilat mund të përdoren për të gjurmuar dhe regjistruar lëvizjet e gishtërinjve dhe pozicionin e duarve të tij. Të dhënat do të ruhen në bazën e të dhënave të aftësive, të gatshme për t’u shkarkuar nga dikush që aspiron të bëhet pianist.
“Ata do ta shkarkonin atë në kohë reale në një ekzoskelë, e cila do të fillonte të lëvizte gishtat e tyre derisa të mësohej kujtesa e muskujve”, tha Dohler.
Por ai tha se mund të nevojitet një dekadë tjetër në mënyrë që “interneti i aftësive” të jetë plotësisht funksional.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.