Si do të jetë moti këtë fundjavë?! – SHMU: Ndryshim i menjëhershëm i kushteve meteorologjike

Shërbimi Meteorologjik Ushtarak bën me dije se ditën e shtunë vendi do të ndikohet nga masa ajrore të paqëndrueshme ndërsa vranësirat do të përqendrohen më të dendura në jug e qendër të vendit, dhe në pjesën veriore kthjellime.

Sipas njoftimit reshjet e shiut do të jenë të herëpashershme në pjesën jugore dhe qendrore të vendit me intensitet të ulët e lokalisht mesatar ndërsa pasdite e në mbrëmje reshjet do të ndërpriten për ti lenë vendin kthjellimeve.

SHMU njofton se dita e diel do të sjellë ndryshim të menjëhershëm të kushteve meteorologjike pasi do të mbizotërojnë orët me diell gjatë gjithë ditës në pjesën më të madhe të vendit dhe në jug, juglindje e në zonat malore kalime vranësirash të pakta deri mesatare.

Sipas SHMU era do të fryjë verilindje-veriperëndim e lehtë dhe në bregdet përkohësisht mesatare maksimalisht deri 12m/sek e shoqëruar me dallgëzim në det të forcës 3-4 ballë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.