Si të krijoni një ambient të përshtatshëm pune për të rinjtë?

Të rinjtë të cilët përfshijnë moshën 18-34 përbëjnë një në tre njerëz të fuqisë punëtore.

Kjo gjeneratë e re në fakt nuk e pëlqen mjedisin e zakonshëm të punës,  në zyrë para një kompjuteri.

Tashmë shumë sipërmarrës dhe kompani teknologjike kanë vendosur precedentin për atë që duhet të duket dhe ndihet një mjedis pune, i lumtur dhe produktiv.

Këto kritere në fakt eliminojnë shumë ambiente pune të cilat janë me mure gri dhe ndriçim të dobët apo disa vende pune të cilat nuk kanë asnjë dritare.

Vendet e punës duhet të jenë të gjalla, me dizajne dinamike, të ndritshme dhe ekologjikisht miqësore.

Duhet të jenë këto ambiente një nga arsyet që kjo gjeneratë e re të vijë në punë me qejf.

1. Kafja është e barabartë me lumturi

Gjithkush e njeh këtë fakt. Kafja është e barabartë me lumturinë. Kështu që ambienti juaj i punës duhet patjetër të ketë një makineri kafeje në mënyrë që të jetë një ambient i përshtatshëm që të rinjtë mund të punojnë.

Kultura me të cilën këta të rinj rriten në fakt është shumë e ndryshme nga ajo e të rinjve në një kohë tjetër ku çdokush ishte mësuar me rregullat standarde të punës.

Në ditët e sotme është e domosdoshme që ambienti i punës të jetë i përshtatshëm dhe për të rinjtë që punojnë në kompaninë tuaj.

2. Ergonomia

Aplikimi i ergonomisë, apo siç quhet ndryshe studimi i efikasitetit të punonjësve  në hapësirat epunës është e rëndësishme për produktivitetin në vendin e punës dhe kënaqësinë e punonjësve.

Për fat të mirë në ditët e sotme gjithçka është bërë për t’ju përshtatur punonjësve, duke filluar nga mouse, kompjuteri si dhe lartësia e tavolinës që dëshirojnë.

Këto lloj konsideratash ergonomike përmirësojnë saktësinë, zvogëlojnë lodhjen si dhe kursejnë kohën  midis shumë përfitimeve të tjera, duke i mbajtur punëtorët kështu të shëndetshëm dhe të lumtur.

3. Pastërtia

Pastërtia e një zyre apo ambienti ku qëndrojmë për orë të tëra bën të mundur parandalimin e e sëmundjeve si dhe largimin e mikrobeve të këqija.

Në një zyrë të organizuar punonjësit gjejnë gjithcka që kanë nevojë në vendin e punës kështu që ky element duhet të konsiderohet me seriozitet.

Shumë kompani nuk e kuptojnë se punonjësit e tyre vuajnë nga sindroma e lodhjes, acarimi I lëkurës, ndjeshmëria ndaj syve apo paaftësia për t’u fokusuar dhe kjo vjen si pasojë e një ambienti jo të pastër mjaftueshëm.

Shërbimet dhe praktikat e pastrimit të gjelbër mund të përfshijnë produktet pa aromë, produktet pastruese kimike dhe praktikat e përdorimit dhe asgjësimit të mbeturinave mjedisore.

Një vend i mirë për të filluar është të zbatoni një politikë të riciklimit të zyrës

4. Shkëputjet e shkurtra për ajër të pastër

Punonjësit shpesh nuk kanë mundësi të dalin për një shëtitje apo qoftë edhe të rrinë në natyrë gjatë një dite kur janë në punë kështu që ekoterapia është një zgjidhje e vërtetë pasi lidhja me natyrën përmirëson mirëqenien.

Madje një studim zbuloi se njerëzit të cilët kishin të bënin me natyrën dhe jetonin në zona më të gjelbra se të tjerët kishin një normë më të ulët vdekshmëria me 12 për qind.

Kështu inkurajojini punonjësit tuaj për të bërë pushime të shkurtra të herë pas hershme sa për të marrë pak ajër të pastër e për të parë diçka të gjelbër.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.