Siguria në kohë pandemie në shkolla dhe subjekte tregtare – AKU kryen rreth 400 inspektime dhe monitorime në të gjithë vendin

Trupat inspektuese të AKU-së kanë kryer gjatë 24 orëve të fundit 384 inspektime dhe monitorime edhe si pjesë e Task-Forcës Anti-Covid duke vijuar me këshillime në të gjitha bizneset dhe nivelet e sistemit arsimor, në  respektim të protokolleve anti-covid.

Sipas njoftimit gjatë inspektimeve është dhënë një masë administrative në një subjekt ushqimor, pasi janë gjendur produkte ushqimore me afat të kaluar përdorimi dhe për rrjedhojë është bërë edhe bllokimi  i tyre.

AKU bën me dije se  referuar Planit të Marrjes së Mostrave, janë marrë 26 mostra në monitorim të qumështit, por edhe në fruta-perime për analizim të mbetjeve pesticide.

Autoriteti Kombëtar i Ushqimit njofton se po vijon punën në terren në garantim të sigurisë ushqimore dhe mbrojtjes së shëndetit të konsumatorit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.