TAP drejt ‘kalibrimit’ të tubacioneve dhe pajisjeve! Shpallet tenderi

Është shpallur tenderi për vlerësimin teknik në instalimet e Gazsjellësit TAP. Fondi i vënë në dispozicion është 52.7 milionë lekë.

Konkretisht, sipas dokumentacionit bashkëlidhur tenderit, fondi do të kanalizohet në shërbime për tubacionet e gazit, shërbime projektimi, shërbime për kontrolle teknike, testime teknike, apo analiza dhe shërbime konsulence.

“Verifikimi i gjendjes teknike të pajisjeve, instalimeve, do të shërbejë në përcaktimin dhe evidentimin e problematikave teknike përpara se ato të krijojnë dëmtime serioze dhe avari të mundshme të sistemit.

Ky vlerësim njëkohësisht për  vlerësimin e përputhshmërisë me kërkesat e standardeve për operimin dhe mirëmbajtjen e instalimeve si dhe do të përcaktojë ndërhyrjet e nevojshme për riparim, optimizim dhe masat parandaluese që duhen marrë në vijim për të siguruar operim të sigurt dhe jetëgjatësi të pajisjeve” shpjegohet më tej.

Që nga përzgjedhja e subjektit fitues, kontrata do të ketë një kohëzgjatje 2 vjeçare për ekzekutim.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.