“Tërmeti”i ekonomisë në “Argument”: Si mund të ndikojë në 2020?

Tërmeti i 26 nëntorit të këtij viti do të ketë ndikim në ekonominë e vitit 2020. Sipas ekonomistes dhe ish zëvëndësministres së Financave Irena Beqiraj, edhe pa ndodhur tërmeti, buxheti i vitit 2020 ishte një buxhet që synonte ruajtjen e parametrave të stabilitetit fiskal.

“Tërmeti e lëkundi.Do të ketë ndikim sepse nëse do të duhet që të nxjerrë më shumë do të duhet të prekë të gjithë investimet në proces që kanë filluar tashmë, të ndërpresë disa nga investimet e nisura ose pjesa tjetër, të krijojë detyrime të tjera të prapambetura.

 Lajmet jo shumë optimiste vijnë dhe nga fusha se si do të ndikojë tërmeti në ekonominë e 2020. Mendoj se do të kemi një ulje të bazës së të ardhurave. Do të ndikojë të biznesi,do të ndikojë te sjellja e konsumatorëve kundrejt konsumit sepse njerëzit kur dalin nga tronditje të kësaj natyre mundohen të shohin si do të jetë e ardhmja e tyre.

Dhe me rëndësishme, ndikimi në turizëm. Jo vetëm sa është prishur në Durrës së mund të rindërtohen shpejt por sesi do ta përceptojnë të huajt Shqipërinë pas një tërmeti. Shpresoj që të mos kemi më lëkundje dhe kjo histori të harrohet shpejt.

Por gjithsesi, 2020 ishte vit i vështirë që para tërmetit. Por me këtë tërmet do të ketë sfida të tjera jo të patejkalueshme por që kërkon kujdes të jashtëzakonshëm nga ana e qeverisë” tha Beqiraj në emisionin “Argument” të gazetarit Enio Civici.

Ndërsa sekretari i përgjithshëm i shoqatës së prodhuesve Arben Shkodra evidentoi situatën e pazakontë dhe të vështirë të biznesit në zonat e prekura nga tërmeti.

“Kemi bërë vizita në bizneset e goditura dhe ato janë gati fatale. Do të thotë se kemi godina të rrëzuara plotësisht, makineri të prishura dhe ajo që ishte më e rënda është që kishte ditë dhe vazhdon të ketë ditë që nuk punojnë.

 Që do të të thotë se kontratat nuk performohen, punonjësit nuk shkojnë në punë e paguhen,biznesmeni përballet me situata mospagesa nga ana e furnitorëeve, nuk paguan bankën e detyrimet tatimore. E mund të them se jemi në situatë të paprecedentë” u shpreh Shkodra.

Ndërsa Arben Meçe evidentoi faktin se tërmeti ka qenë një goditje por nuk ishet një tërmet në ekonomi sepsenuk goditi asnjë nga parametrat e ligjshmërisë. “Po ka një bllokim, është e vështirë.  Ekonomia ka një bllokim aq ditor sa është ku grupet e biznesit po zhbllokojnë situatën” tha Meçe.

Sipas tij, në ekonominë shqiptare mund të injektohen para përmes programit të rindërtimit dhe “në parim gjtihmonë pas tërmeteve ekonomia shpërthen”.

Ndiqni emisionin e plotë:

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.