Tregtonte cigare kontrabandë – Arrestohet shtetasi, në kërkim persona të tjerë të përfshirë
Strukturat e Administratës Doganore kanë sekuestruar 1750 paketa me cigare të llojeve Marboro, Trokaderi dhe Slims Couture.
Pas një punë disa ditore në bahskëpunim me Prokurorinë e Rrethit Gjyqësor Tiranë dhe Drejtorisë së Përgjithshme dhe Antikontrabandës, është bërë i mundur arrestimi në flagrancë i shtetasit F.D, 54 vjeç, banues në Tiranë për tregtim mallrash kontrabandë për të cilat paguhet akcizë.
Ndërkohë, ndiqet në gjendje të lirë shtetasi S.Xh. si dhe vazhdon puna për identifikimin e shtetasve të tjerë të përfshirë në këtë veprimtari të paligjshme.
Vetëm disa ditë më parë, një tjetër shtetas u arrestua gjithashtu në flagrancë, pasi u kapën në pronësi të tij 54 steka cigaresh kontrabandë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.