Ulen infektimet nga Covid-19, Rakacolli: “Më pak shtrime në spital, së shpejti prezantojmë strategjinë e vaksinimit”

Numri i rasteve të reja reja me COVID-19 dhe shtrimeve në spital po shënon një tendencë në rënie gjatë ditëve të fundit, pavarëishst rritjes së numrit të testimeve”. Të dhënat u bënë publike gjatë një komunikimi të kryeministrit Edi Rama me Komitetin e Ekspertëve të Shqipërisë dhe Komitetin Shkencor të Turqisë për masat për përballimin e pandemisë. Sipas kryetares së Komitetit, Mira Rakacolli të dhënat janë vendimtare për të përcaktuar masat që do të merren në të ardhmen.

“Kohët e fundit ashtu siç është reflektuar dhe te treguesit që kemi raportuar çdo ditë kanë ulje të numrit të shtruarve në spital dhe numrit të pozitiviteti. Gjë që ekspertët e kanë gjykuar si një vlerë e ardhur nga masat me intensitet mesatar që ne i kemi rekomanduar si Komitet përpara disa javëve. Po fillojmë ta monitorojmë me shumë kujdes situatën në mënyrë që të vazhdojmë ta kemi të kontrolluar siç e kemi pasur deri më tani dhe në bazë të treguesve të rekomandojmë edhe qëndrimet që duhen mbajtur.”

Gjithashtu, sipas Rakacollit shumë shpejt do të preznatohet edhe strategjia që do të ndqien për vaksinimine  populltaës, teksa gjatë hartimit të saj nuk ka munguar asistenca e Turqisë.

“Kemi diskutuar edhe për vazhdimësinë edhe për problemet në të ardhmen sepse ashtu si ën të gjithë botën janë problem të panjohura, të paparashikueshme, por mundohemi që me atë nivel njohurie që kemi mundur deri tani, edhe t’i menaxhojmë. Një nga këto problem është edhe strategjia jonë e vaksinimit, kemi diskutuar edhe me kolegët turk dhe është një strategji që do ta publikojmë shumë shpejt.”

Përfaqësuesit e Komitetit Shkencor të Turqisë përgjatë disa ditëve kanë shkëmbyer ekspericën e tyre në përballimin e pandemisë me ekspertët shqiptarë, duke ndarë mendime mbi vijueshmërinë dhe mbajtjen e sitautës nën kontroll.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.