Ushqime të pasigurta dhe të skaduara – AKU asgjëson 45 ton produkte dhe vendos 25 masa administrative gjatë 24 orëve të fundit
Autoriteti i Kontrollit Ushqimor njofton se ka kryer 144 kontrolle zyrtare dhe monitorime gjatë 24 orëve të fundit në të gjithë vendin në operatorë të kategorive të ndryshme, si subjekte me aktivitet: magazina fruta perime, baxho, stabiliment grumbullim / paketim çaj dhe erëza, grumbullim / paketim pije alkoolike, etj.
Drejtoritë Rajonale të AKU- së informojnë se kanë ushtruar veprimtarinë e tyre në bazë të planit vjetor të inspektimit me bazë risku, mbi bazën e denoncimeve të ardhura në rrugët e komunikimit të institucionit ([email protected] / nr. Gjelbër 08007575), mbi kërkesat për licencim.
Sipas njoftimit gjatë kontrolleve zyrtare në operatorët e biznesit ushqimor janë dhënë 25 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore.
AKU informon se referuar Planit Vjetor të Marrjes së Mostrave me bazë risku janë marrë 3 mostra në produkte ushqimore të ndryshme dhe janë asgjësuar 45 ton produkte.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.