Vendimi/ Shtesa mbi pagë për punonjësit e Gardës me gradë oficer dhe nënoficer
Qeveria ka marrë vendim në Këshillin e Ministrave për të bërë disa shtesa mbi pagën e punonjësve të Gardës së Republikës së Shqipërisë.
Detajet nuk janë bërë ende specifike për shumën apo disbursimin, por në vendim theksohet se përfitojnë punonjësit me gradë oficer dhe nënoficer, ndërkohë që jepen dy motivacione kryesore për këto shpërblime si:
-Shtesa për natyrë të veçantë shërbimi
-Shtesa për punë të vështirë e të dëmshme për shëndetin
“Efektet financiare, që rrjedhin nga zbatimi i këtij vendimi, për vitin 2020, të përballohen nga fondet e planifikuara për Gardën e Republikës së Shqipërisë për këtë vit dhe të fillojnë nga momenti i pozicionimit të punonjësve në strukturën e re.” – shkruhet më tej në vendim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.