[Video] Rruga Kardhiq-Delvinë, gati projekti – Eviton Qafën e Muzinës, lidh Gjirokastrën më shpejt me bregdetin
Mëngjesin e ditës së Hënë, kryeministri Edi Rama ka shpërndarë pamjet e projektit të rrugës Kardhiq-Delvinë, e projektuar për të nisur nga puna brenda vjeshtës së këtij viti.
Segmenti i gjatë 32 kilometra, nga të cilat 16 kilometra kanë përfunduar, konsiderohet si një nga projektet më të rëndësishme për zhvillimin e ekonomisë dhe turizimit në të gjithë zonën, pasi mundëson lidhjen më të shpejtë të Gjirokastrës me bregdetin, duke evituar Qafën e Muzinës, për të vijuar përmes Nivicës.
Për pjesën të papërfunduar të rrugës, është parashikuar ndarja në 4 lote, që do të thotë se do të jepen 4 tendera
MIRËMËNGJES 😃dhe me këto pamje të rrugës Kardhiq – Delvinë, një nga projektet e paketës transformuese për ekonominë dhe turizmin e të gjithë zonës, që siguron lidhjen shumë më shpejtë të Gjirokastrës me bregdetin duke evituar Qafën e Muzinës për të vijuar përmes Nivicës, ju uroj një javë të mbarë 🌹
Posted by Edi Rama on Sunday, May 20, 2018
Projekti nis nga kryqëzimi i urës së Kardhiqit me rrugën Tepelenë-Gjirokastër, ndërkohë që në lotin e 7-të parashikon edhe ndërtimin e Tunelit të Skërficës, gati 1 kilometër të gjatë. Ndërkohë, fundi i projektit përkon me kryqëzimin në Urën e Gajdarit.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
