Vidhnin makina në shtetin fqinj – Policia vë në pranga 1 shtetas dhe shpall në kërkim disa të tjerë
Policia e Shtetit ka bërë me dije në faqen e saj zyrtare finalizimin e operacionit “Rrajca 2019”, duke vënë në pranga një shtetas dhe shpallur në kërkim disa bashkëpunëtorë të tjerë, nën akuzën e trafikimit të mjeteve motorike.
Gjatë këtij operacioni, Seksioni për Hetimin e Narkotikëve dhe Trafiqeve të Paligjshme, në bashkëpunim me Komisariatin e Policisë Librazhd, ka arrestuar në flagrancë shtetasin Xh. B., 53 vjeç, lindur në Përrenjas, i cili në bashkëpunim me disa persona të tjerë kanë organizuar trafikimin e disa automjeteve nëpërmjet kufirit të gjelbër jashtë pikave të kalimit kufitar, nga shteti i Maqedonisë së Veriut drejt Shqipërisë, bën me dije policia.
Sipas njoftimit është sekuestruar në cilësinë e provës materiale një autoveturë e markës Volkswagen Passat, me targa të shtetit të Maqedonisë së Veriut, në pronësi të një shtetasi maqedonas, e cila pasi është vjedhur në këtë shtet është trafikuar më pas në Shqipëri.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.