Vijojnë punimet në rrugën Cërrik – Ura Vajgurore, përfitojnë 200 mijë banorë

Vijojnë punimet për ndërtimin e rrugës Cërrik – Belsh – Kuçovë – Ura Vajgurore, projekt nga I cili do të përfitojnë rreth 200 mijë banorë.

Pas përfundimit të Lot-it të parë Grekan – Dragot në fillim të ketij viti, në dy lotet e tjera Dragot – Kozarë – Kuçovë – Ura Vajgurore dhe Cërrik – Belsh – Grekan, ka përfunduar shtresa e binderit në të gjithë gjatësinë e rrugës dhe vijon puna për shtrimin e tapetit, rregullimin e bankinave, trotuaret në zonat e banuara dhe vendosjen e sinjalistikës dhe elementëve të sigurisë rrugore.

Me këto ritme, parashikohet që punimet të mbyllen në vjeshtën e këtij viti disa muaj para afatit të kontratës.

Me ndërtimin e kësaj rruge krijohet hapësirë të re ekonomike mes fshatrave të Dumresë dhe Kuçovës në drejtim të Beratit dhe Tiranës.

Investimi çel një kapitull të ri për ekonominë e të gjithë kësaj zonë me potenciale të jashtëzakonshme për zhvillimin e bujqësisë dhe agroturizmit. Përfitues të drejtpërdrejtë të këtij projekti janë rreth 200 mijë banorë.

Rruga financohet nga qeveria shqiptare në kuadër të Projektit për Rehabilitimin e Segmenteve Rrugore Prioritare, dhe zbatohet nga Fondi Shqiptari Zhvillimit

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.