Vijon puna për rikonstruksionin e rrugës së Lumit të Vlorës – FSHZH: Përfitojnë 129 mijë banorë

FVijon puna për rikonstruksionin e rrugës së Lumit të Vlorës, një segment me gjatësi rreth 90 kilometra. Sipas Fondit Shqiptar të Zhvillimit, në Lotin 1, që përfshin ByPassin Vlorë-Peshkëpi është drejt përfundimit puna për asfaltimin dhe ndërtimin e 2 urave në kilometrin 12.1 dhe 17.

Ndërkohë, sa i takon Lotit 2 dhe 3, Ura e Gjormit-Brataj-Ura e Laskos, aktualisht po përgatitet propozimet tekniko-financiare për të filluar më pas me zbatimin e projektit në terren. Ndërsa po rishikohet projekti teknik edhe për Lotin 4.

Projekti i cili financohet nga qeveria shqiptare në bashkëpunim me Fondin Saudit dhe atë Kuvajtian, synon të ridimensionojë sektorin e turizmit me qëllim përmirësimin e kushteve të jetesës për 129 mijë banorët e fshatrave të bashkive Vlorë, Selenicë dhe Himarë.

Banorët e fshatrave të luginës së Lumit të Vjosës përveçse do të kenë më shumë akses tek shërbimet, do të kenë edhe më pak kosto udhëtimi dhe më pak kohë për transportin e produkteve bujqësore.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.