VKM-ja / Qeveria nis hartimin e regjistrit të shqiptarëve që studiojnë jashtë shtetit

Në mbledhjen e sotshme të Këshillit të Ministrave janë marrë disa vendime, ku një prej VKM-ve të publikuar është ajo që ngarkon Ministrinë e Arsimit me krijimin e një regjistri publik për të gjithë studentët me orgjinë shqiptare që studiojnë jashtë shtetit.

Në VKM përcaktohet se në këtë regjistër, çdo studenti do t’i publikohen përveç gjeneraliteteve dhe të dhëna të tjera si periudha e studimeve, shteti pritës, institucioni i arsimit të lartë pranë të cilit studion, fusha e studimeve, burimi i financimit të bursës, emaili etj.

Sipas vendimit të Këshillit të Ministrave, institucioni administrues i të gjithë procesit deri në krijimin e regjistrit do të jetë Agjencia Kombëtare e Diasporës dhe buxheti i nevojshëm do të përballohet nga Ministria për Diasporën.

D.B – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.