Vuçiç jep lajmin për “takimin tre palësh Serbi- Itali- Shqipëri”: Idenë do e diskutoj edhe me kryeministrin Rama. Ja çfarë do të arrihet me takimin
Presidenti serb Aleksandër Vuçiç do të iniciojë një takim trepalësh mes Serbisë, Italisë dhe Shqipërisë. Kështu shkruajnë mediat serbe, duke cituar deklaratën e bërë nga vetë Presidenti Vuçiç dje gjatë një vizite të zhvilluar në Itali, ku ndër të tjera theksoi se takimi synon të krijojë lidhje më të ngushta për pjesëmarrjen në projekte të përbashkëta.
“Duke ju drejtuar gazetarëve në Romë pas takimeve, Presidenti serb njoftoi se do të iniciojë një takim trepalësh të Serbisë, Italisë dhe Shqipërisë, që do të synojë krijimin e lidhjeve më të ngushta dhe pjesëmarrjen në projekte të përbashkëta”, shkruajnë mediat serbe.
Gjithashtu, gjatë kësaj deklarate Vuçiç u shpreh se së pari do ta diskutonte idenë me Kryeministrin Edi Rama, raporton SCAN.
Presidenti serb Aleksandar Vuçiç, i cili ishte në një vizitë pune një ditore në Romë të martën, u takua me presidentin italian Sergio Mattarella dhe me kryeministrin Paolo Gentiloni, ku folën për marrëdhënien mes Serbisë dhe Italisë, por jashtë bisedave nuk kanë mbetur edhe masat që do të marrë Serbia për integrimin e saj në Bashkimin Evropian.
Artikulli i plotë lexojeni këtu
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.