Zgjatet afati për investimet strategjike – Shkak mungesa e ligjit të ri, 1 vit më shumë për kërkesat e subjekteve

Afati i paraqitjes se kërkesave nga subjektet investuese te interesuara per përfshirjen ne procedurat per përfitimin e statusit “lnvestim apo investitor strategjik propozohet të zgjatet me 1 vit. Në projektligjin e depozituar për diskutim në Komisionet Parlamentare, “Per një ndryshim ne ligjin “Per investimet strategjike ne Republikën e Shqipërisë”, te ndryshuar”, i cili propozohet nga deputetët Milva Ekonomi dhe Ervin Bushati,  thuhet se ky afat duhet të shtyhet deri më 31 dhjetor 2021, ndërsa afati ligjor aktual është fund i këtij viti.

Në relacion argumentohet se vitin e kaluar, u zgjat afati deri me 31 dhjetor 2020, dhe u evidentua fakti se Ministria e Financave po punonte per hartimin e një projektligji te ri “Per investimet” dhe se ky afat do te ishte i mjaftueshëm per përfundimin e te gjitha procedurave ligjore te nevojshme per miratimin e këtij akti te ri. Por per shkak te pandemisë Covid 19, Ministrisë se Financave, i është dashur te mobilizoje te gjitha kapacitetet e saj në përballimin  e situatës, duke e bërë të pamundur finalizimin e projektligjit te ri “Per investimet”. Me këtë qëllim,  per te shmangur krijimin e një boshllëku ligjor si dhe te pasojave qe mund te krijohen prej tij, propozohet edhe shtyrja e afatit.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.