Zgjatet misioni në Egje – Xhaçka: Shkak, rezultatet e shkëlqyera në vitin 2017

Misioni i Forcës Detare shqiptare në operacionin e NATO-s në detin Egje do të zgjatet deri në vitin 2018.

Gjatë vizitës së punës në Komandën e Forcës Detare në Durrës, Ministrja e Mbrojtjes, Olta Xhaçka, tha se një vendim i tillë, lidhet me rezultatet shumë pozitive që ekuipazhi shqiptar i anijes “Oriku” ka shënuar gjatë këtij viti.

Në fund të muajit Nëntor, drejt detit Egje do të niset anija e dytë e Flotës Detare, e cila do të zëvendësojë “Orikun”.

Për Ministren e Mbrojtjes, një tjetër lajm i mirë është pajisja e të 4 anijeve të patrullimit me sistem modern armatimi.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.