Zhvillimi i turizmit, Klosi: Shqipëria dhe Mali i Zi, së shpejti me paketë të përbashkët turistike

Shqipëria dhe Mali i Zi së shpejti do të kenë një paketë të përbashkët turistike për liqenin e Shkodrës, lumin e Bunës dhe gjithë trashëgimitë natyrore, kulturore dhe kulinare.

Gjatë një aktiviteti të zhvilluar për prezantimin e paketave turistike në nga përfaqësues të Malit të Zi, Ministri Blendi Klosi garantoi se do të vijojë puna nga ana e dy qeverive për t’i kthyer kufijtë jo në ura ndarëse, por bashkimi mes dy vendeve.

I pranishëm ishte  dhe ambasadori i Malit të Zi në Shqipëri  i cili u shpreh se numri i shqiptarëve që vizitojnë këtë vend rritet nga viti në vit dhe kjo është si rezultat edhe i marrëdhënieve të mira mes dy vendeve duke shtuar se po diskutohen edhe projekte të tjera të përbashkëta për zhvillimin turistik

18% më shumë turistë të huaj  hynë në Shqipëri gjatë sezonit të vitit 2018  ku rreth 360 mijë janë ata që kanë hyrë nëpërmjet kufirit me Malin e Zi   numër i cili pritet të rritet akoma më tej përmes bashkëpunimit për ofrimin e paketave të përbashkëta turistike.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.