100 ditët e ardhshme të Ministrisë së Financave! 5 shtyllat kryesore: Nga buxheti te paketa fiskale, TVSH-ja për biznesin e vogël e rrugët që financohen
Ministri i Financave dhe Ekonomisë, Arben Ahmetaj ka prezantuar 5 shtylla kryesore të planit të 100 ditëve të para të punës. Brenda tre muajve, ministri i Financave tha se dikasteri që drejton do të ndërmarrë disa ndryshime të rëndëisshme në 5 shtylla kryesore, raporton portali “SCAN”.
1-Derregullimi, reforma transformuese e shërbimeve publike për bizneset dhe qytetarët
Brenda tre muajve, Ahmetaj tha se do të jetë gati paketa e re për ndryshimin e numrit të lejeve, autorizimeve e licencave. Veç thjeshtimit të procedurave, Ahmetaj paralajmëroi reduktimin e mëtejshëm të numrit dhe llojit të tyre, me qëllim thjeshtimin e procedurave për qytetarët e bzineset.
2-Beteja kundër informalitetit
Duke evidentuar faktin se operacioni kundër informalitetit është në fazën e tretë të tij, Ahmetaj bëri publike disa statistika për ecurinë e tij. Në tre ditë, Ahmetaj tha se janë ndërruar 606 përgjegjësi tatimore nga biznes i vogël në biznes të madh në një kohë që në fazën e parë të operacionit në total ishin 550 raste të tilla. Ndërkohë, ministri evidentoi se janë bërë komunikime me 13 mijë tatimpagues dhe 12 mijë biznese janë kontaktuar nga qendra e thirrjeve e Tatimeve. Synimi, sipas tij, është sensibilizimi e edukimi I tatimpaguesve dhe jo represioni.
3-Puna dhe formimi profesional
4-Buxheti 2018 dhe paketa e re fiskale
Gjatë fjalës së tij, Ahmetaj paralajmëroi se në buxhetin e ri që po hartohet në bashkëpunim me Fondin Monetar Ndërkombëtar por në një marërdhënie të re dhe jo si ajo e mëparshmja, borxhi publik parashikohet të ulet me 2 % të Prodhimit të Brendshëm Bruto. Investimet publike do të mbeten në nivelin 5-5.2 % e Prodhimit të Brendshëm Bruto, sipas ministrit, pa rritur nivelin e borxhit publik. “Ka akse serioze nacionale që hapen, qoftë me PPP që do t’i vazhdojmë se kemi të gjitha instrumentet për t’i mbajtur në kontroll ,jo si risqe po si instrumente zhvillimi. Këtu mund të përmend rrugën e Arbrit, Thumanë-Vorë, Durrës-Kukës-Morinë, Unaza e madhe e Tiranës apo edhe investime me financim të huaj që janë Bypass i Fierit, Bypass i Vlorës, përfundimi i Tiranë-Elbasan, Qukës-Qafë Plloçë.
Sa i përket paketës së re fiskale, ministri i Financave paralajmëroi se do të aplikohet përfshirja e biznesit të vogël në skemën e TVSH-së. “Shtrirja e TVSH-së deri te niveli i qarkullimit zero nuk sjell rritje kostosh. Sjell vetëm aty ku ka pasur informalitet. Aty ku ka formalitet nuk ka asnjë rritje kostoje, përkundrazi shkon në favor të konsumatorit dhe qytetarit të zakonshëm” tha Ahmetaj. Po ashtu, Ahmetaj tha se do të ketë lehtësi fiskale për turizmin përmes një pakete të veçantë që parashikon heqje apo ulje të shkallës së tatimfitimit si dhe heqjen e taksës së infrastrukturës.
Taksa mbi pasuritë e paluajtshme që parashikohet në paketën e re fiskale parashikohet të sjellë të ardhura shtesë për pushtetin vendor. “Taksa mbi pasuritë e paluajtshme do të sjellë formalizim, do të sjellë të ardhura për pushtetin vendor. Ky është viti i parë që pushteti vendor merr 1 për qind të PBB nga buxheti i shtetit.
5-Nxitja e investimeve të huaja dhe vendase
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.