171 raste të reja me koronavirus/ 85 të shëruar në 24 orë. Bie në sy rritja e numrit të të shtruarve

Gjatë 24 orëve të fundit janë regjistruar 171 raste të reja me koronavirus, në vendin tonë, nga 952 testime të kryera. Në përditësimin e të dhënave, Ministria e Shëndetësisë njofton se janë shëruar edhe 85 qytetarë, ndërsa katër pacientë nuk e kanë fituar betejën me virusin.

Ajo që bie në sy është rritja e numrit të të shtruarve në dy spitalet covid. Aktualisht në spitalin Infektiv dhe në spitalin “Shefqet Ndroqi” po trajtohen 244 pacientë, 14 në terapi intensive nga të cilët 5 janë të intubuar.

Ministria e Shëndetësisë përsërit thirrjen për respektimin e masave për parandalimin e infeksionit, ndërsa rikujton se nga data 15 tetor, maska ose barriera mbrojtëse prej tekstili bëhet e detyrueshme edhe në ambientet e hapura.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.