Rama, bisedë online me Merkel: “Në fokus të diskutimeve, Shqipëria dhe Ballkani Perëndimor”

Kryeministri Edi Rama ka zhvilluar një bisedë online, për rreth 60 minuta, me kanclaren gjermane, Angela Merkel. Sipas njoftimit të kryeministrit në rrjetet sociale, u diskutua  për Shqipërinë por edhe për Ballkanin. “Me Kancelaren Merkel, biseduam për rreth 60 minuta mbi Planin e Madh të Investimeve të Bashkimit Europian për Ballkanin Perëndimor dhe nxitjen e mëtejshme drejt Shengenit Rajonal; progresin e Shqipërisë pas vendimit për çeljen e negociatave dhe përpjekjet në vijim drejt Konferencës së Parë Ndërqeveritare me BE, si edhe kryesimin e suksesshëm të OSBE nga Shqipëria dhe sfidat deri në përmbylljen e mandatit tonë në dhjetor.

Edhe njëherë si gjithnjë, kënaqësi e veçantë biseda me Kancelaren gjermane, një mike e shkëlqyer që e njeh, e kupton dhe e ndjek rajonin tonë dhe Shqipërinë, me detaje e vëmendje krejt të posaçme!”, shkruan Rama.

Lidion Kulla / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.