800 mln euro nga “TAP” – Investimet në Shqipëri për periudhën 2017-2020
Konsorciumi i gazsjellësit Trans-Adriatik planifikon të investojë në total rreth 800 milionë euro për periudhën 2017-2020 në Shqipëri, deklaroi drejtuesi i projektit për Shqipërinë, Shkëlqim Bozgo.
Në tërësi, ky projekt pritet që të gjenerojë investime për 1.5 miliardë euro në vendin tonë.
Pak kohë më parë, konsorciumi deklaronte se, vetëm gjatë 2017-ës vlera e investimit prek shifrën e rreth 500 milionë eurove, duke e kthyer praktikisht gazsjellësin në lokomotivën e ekonomisë shqiptare gjatë vitit aktual.
Gazsjellësi Trans-Adriatik është projekti më i madh në vendin tonë dhe rajon.
Edhe vetë bashkimi europian e ka vendosur në listën e prioriteteve strategjike dhe ka bërë vazhdimisht thirrje që projekti të përfundojë brenda afateve, pra në vitin 2020.
Pak kohë më parë, vetë kosnorciumi deklaronte se, në Shqipëri dhe Greqi ka përfunduar 2 e treta e punimeve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.