Alternativa ekonomike e propozuar nga PD, debate në “Argument” mes Ervin Bushatit, Florion Mimës, Selami Xhepës e Dritan Shanos
Alternativa ekonomike e prezantuar publikisht nga Partia Demokratike pak ditë më parë ka qenë objekt i diskutimit në “Argument” të Enio Civicit. Të ftuar për të diskutuar për pikat e prezantuara për ekonominë ishin Florion Mima, Selami Xhepa, Ervin Bushati e Dritan Shano.
Deputeti i PD-së Florion Mima evidentoi se në listën e masave janë shfuqizimi i kontratave koncesionare abuzive, rritja e kufirit për TVSH-në e bizneseve, tatim me kuotë fikse 0.5 % të xhiros vjetore, ulja e masës së kontributeve të sigurimeve si dhe aplikimi i taksës së sheshtë në nivelin e ulur në 9 %. Këto masa, sipas deputetit të PD-së, i japin zgjidhje fenomeneve negative të vërejtura në ekonomi e keqqeverisjes si dhe shkojnë në favor të qytetarëve të thjeshtë.
PD prezanton “Alternativën për Zhvillimin Ekonomik”! 30 masa për ekonominë
Gjatë diskutimeve, deputeti i PS-së Ervin Bushati e cilësoi draftin e paraqitur si një rikthim të drafteve të mëparshme ndërsa evidentoi se nëse skema e propozuar do të aplikohej, do të rezultonte katastrofike për ekonominë.
Emisioni i plotë:
Te ftuar Ervin Bushati , Florion Mima , Selami Xhepa , Dritan Shano
Posted by RADIO TELEVIZIONI SCAN on Thursday, February 7, 2019
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.