Ambasadorja amerikane në Portin e Durrësit: Refoma në Drejtësi, me rëndësi edhe për biznesin

Drejtori i Përgjithshëm i Doganave, Genti Gazheli, zhvilloi një takim me Ambasadoren e SHBA, në Tiranë, Yuri Kim, në Doganën e Durrësit.

Referuar njoftimit zyrtar të Drejtorisë së Përgjithshme të Doganave, Gazheli e informoi Ambasadoren mbi rëndësinë e lehtësimit të biznesit të ligjshëm, mbi kontrollin e lëvizjes së mallrave dhe sigurimin e përgjegjësisë që ka ky institucion.

Ambasadorja Kim theksoi se Reforma në Drejtësi është shumë e rëndësishme edhe për biznesin, si dhe vlerësoi rritjen e potencialit të investimeve nga SHBA në Shqipëri. “Prioritet do të jetë demokracia, biznesi dhe mbrojtja”, tha Kim.

Dogana Shqiptare deklaron se mbetet e angazhuar në respektimin e të gjitha standardeve ndërkombëtare në shërbim të qytetarëve dhe bizneseve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.