“Argument” – Bllokimi i llogarive të aksionerëve, përfaqësuesit e biznesit dhe ekspertët: “Udhëzimi jo-ligjor. Çështja mund të shkojë në Gjykatë”
Të ftuar në “Argument” mbrëmjen e sotme ishin Artur Papajani dhe Alban Isteri për të folur mbi një problematikë që ka ndodhur midis Ministrisë së Financave, Drejtorisë së Tatimeve dhe Përfaqësive të Biznesit, që janë bashkuar si asnjëherë më parë.
Fakti ka të bëjë me një udhëzim të Ministrisë së Financave që ka bërë thirrje për pagesën e të gjtiha detyrimeve tatimore nga ana biznesit, në të kundërt duke kërcënuar me bllokimin e llogarive të administratorëve apo pronarëve.
Z.Papajani, ekspert fiksal, është shprehur rreth këtij udhëzimi se janë shmangur procedurat e mirëpërcaktuara në ligj dhe është kaluar në një procedurë që është një pikë e nxehtë dhe që mund të prodhojë përplasje me biznesin:
“Është një udhëzim i Ministrisë së Financave, që zbatohen nga Tatimet dhe përballë janë proprozimet e Dhomave të Biznesit për rregullimin e këtij problem. Ka të bëjë me mbledhjen me forcë të detyrimeve tatimore dhe është një pikë e nxehtë.
Po të shohim ligjin ky është kapitulli më strikt dhe me hapa më të mirëprcaktuar. Edhe unë kam qenë dëshmitar i këij ligji, ku kanë ardhur specialistët më të mirë të Tatimeve që janë hartuesit e këtyre neneve dhe janë më të nxehtët si një ligj procedure. Në pozitën e biznesit ne jemi shumë korrekt, por edhe administrata tatimore do ishte shumë më komode po ta zbatonte procedurën tamam.
Si rralëherë nuk kam parë najherë bashkim të Dhoave të Biznesit kundër një akti administrative. Për këtë duhet të jemi të gjithë krenarë sepse po ndërgjegjësohet biznesi. Kundërshtimi është shumë miqësor.
Prolbemi lindi sepse ky akt tregon se si mund të zbatoeht procedura e mbledhjes me forcë, marrëdhënia e saj me bankat, po kalon problem tek bankat dhe llogaritë e pronarëve. Prishet në paragrafin e fundit që i jep atributin Tatimeve të marrë masën ekstreme të bllokimit të llogarive të individit. E keqja është se në të gjithë Shqipërinë ka filluar aplikimi për bllokimin e llogarive sapo doli ky akt.
Përvecc prishjes së marrëdhënieve me biznesin, shteti nuk do të jetë i aftë të mbledhë asnjë para, pasi edhe sistemi gjyqësor nuk e justifikon dot përdorimin e një udhëzimi të tillë. ”
Ndërkohë, Alban Isteri përfaqësues i Dhomës së Tregtisë dhe Industrisë së Durrësit është shprehur se ky udhëzim paraqet disa probleme ku ndër to përmendi faktin që është i pakonsultuar, së dyti në momentin e gabuar dhe problemi i tretë sipas tij fakti që është i gabuar në princip:
“Ky idhëzi vjen në mënryë të beftë dhe i pakonsultuar. Ne jemi anëtarë me të drejtë vëzhguesi, por kemi dhe përfaqësi në Këshillin e Investimeve dhe diskutojmë me Ministrinë e Financave për drafte, ligje etj. Në këtë rast kjo nuk është bërë.
Porlbemi tjetër është momenti kur po del ky udhëzim, një moment shumë I vështirë për biznesin, ku situata gjatë Covidi është tepër e vështirë. Ka probleme të mëdha në likuditet, në pagesën e taksave sepse gjenden në vështirësi të jashtëzakonshme. Ne nuk krahasohemi as me Kosovën dhe Maqedoninë.
Ka pasur tentavia për ta ushtruar këtë masë. Ligji i Procedurave Tatimore përcakton qartë detyrat dhe të drejtat e bizneseve. Biznesi ka dy të drejta, të informimit dhe apelimit. Nëse i heqim edhe këto nuk mbetet më asgjë.
Përtej pjesës teknike është edhe problem principal në konceptin e komptencave. Një udhëzim del për të qartësuar ligjin, jo për ta bërë atë më lëmsh.”
Çështja mund të përfundojë në Gjykatë sipas Z.Isteri nëse nuk ndryshohet:
“Ne jemi të vendosur që nëse Ministria nuk e tërheq mbrapsht udhëzimin apo të ndryshojë qëndrim ne do t’i drejtohemi organeve ligjore që mund të jenë gjykatat.
Fakti që edhe Shoqata e Bankave është pjesë kundër këtij udhëzimi, do të thotë që ai duhet të ndryshohet.”
G.K / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.