ASK: Tregtia me pakicë ka shënuar rritje ne tremujorin e dytë
Tregtimi me pakicë në Kosovë ka shënuar rritje krahasuar me tremujorin e parë të këtij viti. Sipas Agjencisë së Statistikave në Kosovë (ASK) tregtia me pakicë e produkteve ushqimore në dyqane të specializuara ka qenë 13.9 për qind, ndërsa në dyqanet jo të specializuara 5.7%.
“Tregtia me pakicë e mallrave kulturore dhe të argëtimit në dyqane të specializuara (4.2%); Tregtia me pakicë jo në dyqane, tezga ose tregje (3.8%); Tregtia me pakicë e pajisjeve të tjera shtëpiake në dyqane të specializuara (2.0%); Tregtia me pakicë e karburantit për automjete në dyqane të specializuara (1.1%)”, thuhet në raportin e publikuar nga ASK.
Ndërsa, rënie është shënuar te: Tregtia me pakicë e pajisjeve informatike dhe të komunikimit në dyqane të specializuara (13.9%) dhe te tregtia me pakicë e mallrave të tjerë në dyqane të specializuara (13.3 %).
Ndërsa nëse i krahasojmë këto statistika më tremujorin e dytë të vitit të kaluar, kanë shënuar rritje mallrat kulturore dhe të argëtimit në dyqane të specializuara me 31.6%, tregtia me pakicë e produkteve ushqimore, pijeve dhe duhanit në dyqane të specializuara (21.3%); Tregtia me pakicë në dyqane jo të specializuara (16.6%); Tregtia me pakicë e karburantit për automjete në dyqane të specializuara (13.1%); dhe Tregtia me pakicë jo në dyqane, tezga ose tregje (0.6%).
“Kurse, rënie është shënuar te: Tregtia me pakicë e pajisjeve të tjera shtëpiake në dyqane të specializuara (2.5%); Tregtia me pakicë e pajisjeve informatike dhe të komunikimit, në dyqane të specializuara (2.3 %); dhe Tregtia me pakicë e mallrave të tjerë në dyqane të specializuara (1.1 %)”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.