AstraZeneca dhe BE shpallin të dyja fitoren në gjyq – Si qëndron e vërteta?

AstraZeneca dhe Bashkimi Evropian të dy pretenduan fitoren të Premten në një çështje gjyqësore mbi akuzat se prodhuesi i vaksinave nuk po prodhonte për bllokun mjaftueshëm shpejt.

AstraZeneca u pa si një shtyllë kryesore e përhapjes së vaksinave të BE-së. Kontrata e tij me Komisionin parashikonte që 300 milion doza fillestare të shpërndaheshin, me një mundësi për 100 milion të tjerë, por shpejtësia e dërgesave ishte shumë më e ngadaltë nga sa mendonte fillimisht kompania.

AstraZeneca tha se një gjykatës në Bruksel urdhëroi shpërndarjen e 80.2 milion doza të vaksinës së saj deri më 27 shtator 2021. Dega ekzekutive e BE-së, Komisioni Evropian, kishte kërkuar që prodhuesi i ilaçeve të dorëzojë 120 milion doza vaksinash gjithsej deri në fund të qershorit.

“Ne jemi të kënaqur me urdhrin e Gjykatës”, tha Nënkryetari Ekzekutiv i kompanisë Jeffrey Pott në një deklaratë. “AstraZeneca ka përmbushur plotësisht marrëveshjen e saj me Komisionin Evropian dhe ne do të vazhdojmë të përqendrohemi në detyrën urgjente të furnizimit me një vaksinë efektive.”

Komisioni, nga ana e tij, gjithashtu pretendoi një fitore në atë që gjyqtari kishte urdhëruar kompaninë të respektonte një orar të dorëzimit prej 15 milion dozash deri më 26 korrik, 20 milion doza deri më 23 gusht dhe 15 milion doza deri më 27 shtator. Ai urdhëroi një gjobë prej 10 eurosh (12 dollarë) për dozë që nuk është dorëzuar.

SCAN
Burimi: CNBC

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.