BE do të diskutojë javën e ardhshme për hapjen e kufijve mes 26 shteteve anëtare. Franca ende kundër

Ekzekutivi i Bashkimit Evropian do të përshkruajë planet për heqjen e kontrolleve të brendshme kufitare brenda zonës pa pasaporta javën e ardhshme.

Komisionerja e çështjeve të brendshme të BE-së, Ylva Johansson u tha eurodeputetëve se komisioni do të paraqesë udhëzime për heqjen e kontrolleve të brendshme kufitare në zonën e udhëtimit të lirë të Shengenit me 26 vende, megjithëse ajo shtoi se “zhveshja” e kufizimeve kombëtare do të marrë kohë.

“Situata tani është e qëndrueshme, por nuk do të thotë se është e pranueshme, e preferueshme ose e zbatueshme për të ardhmen. Njerëzit janë kuptueshëm të trishtuar, të zemëruar, janë të irrituar, gjë që tregon se lëvizja e lirë është bërë pjesë e jetës sonë të përditshme. “

Ekzekutivi i BE-së po u bën thirrje vendeve që të koordinojnë heqjen e kufizimeve, ndryshe nga si u veprua fillimisht kur pandemia goditi dhe qeveritë vendosën kufizime të shpejta, që sollën edhe pakënaqësi në disa raste.

Komisionerja paralajmëroi gjithashtu qeveritë kundër çdo rihapjeje selektive të kufijve: “Asnjë diskriminim: vendet anëtare nuk mund të hapin kufij për qytetarët nga një vend i BE, por jo nga të tjerët. Kjo është thelbësore. ”

Ndërkohë, kufijtë e Francës do të qëndrojnë të mbyllura deri në një njoftim të dytë ka thënë ministri i brendshëm, Christophe Castaner. Gjatë një konference për shtyp, ai tha:

“Që nga fillimi i krizës, mbyllja e kufijve është rregull, dhe autorizimi për të kaluar një kufi është përjashtim. Ne duhet ta ruajmë këtë mbrojtje dhe kjo nuk do të ndryshojë së shpejti.

Ai tha se kufizimet do të mbeten në fuqi deri të paktën 15 qershor.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.