BE më në fund merr vaksinat e shumëpritura – Von Der Leyen: Kemi doza për 70 % të popullsisë së rritur

Bashkimi Evropian ka marrë doza të mjaftueshme vaksine për të inokuluar plotësisht 70% të popullsisë së saj të rritur, njoftoi Ursula von der Leyen.

Shefja e Komisionit tha në një deklaratë se rreth 500 milion doza do të shpërndahen në 27 vendet anëtare deri të Dielën, duke i vendosur ata “në një pozicion për të vaksinuar plotësisht të paktën 70% të të rriturve të BE ende këtë muaj.”

“Qasja jonë e përbashkët është një sukses. Ne do të dalim nga kjo krizë së bashku,” shtoi von der Leyen.

Ajo paralajmëroi megjithatë se “COVID-19 nuk është mundur ende” dhe se BE është gati të japë më shumë vaksina, përfshirë “kundër varianteve të reja”.

“Tani, vendet anëtare duhet të bëjnë gjithçka, për të rritur vaksinimet. Vetëm kështu do të jemi të sigurt,” tha ajo.

Sipas Gjurmuesit të Vaksinave të Qendrës Evropiane për Parandalimin dhe Kontrollin e Sëmundjeve, 63.8% e popullsisë së bllokut të moshës 18 vjeç e lart ka marrë të paktën një dozë me 44.1% që merr një kurs të plotë vaksinimi.

Më shumë se 320 milion nga dozat e marra nga vendet e BE deri më tani kanë qenë nga Pfizer / BioNTech. AstraZeneca / Universiteti i Oksfordit kanë shpërndarë 84 milion doza, Moderna 43.3 milion dhe Johnson & Johson, që prodhon një vaksinë me një dozë të vetme, ka dhënë 18 milion vaksina.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.