BE miraton planin e Greqisë për të ulur kreditë e këqija me 30 miliardë euro

Komisioni Europian miratoi planin Grek për të zvogëluar kreditë e këqija deri në 30 miliardë euro në bankat e vendit, duke thënë se nuk shkel rregullat e ndihmës shtetërore.

Bankierët u shprehën për Reuters muajin e kaluar se ata prisnin një dritë jeshile nga ekzekutivi i BE-së për të vendosur skemën e mbrojtjes e cila do t’i ndihmojë bankat të shkarkojnë kreditë.

Bankat në Greqi kanë punuar për të ulur një grumbull prej rreth 80 miliardë eurosh kredi të këqija, trashëgimia e një krize financiare që rrënoi ekonominë e vendit.

Ulja e kredive të këqija është thelbësore për aftësinë e bankave për të dhënë hua dhe për të rritur përfitimin e tyre.

Plani i quajtur Hercules do të përfshijë vendosjen e automjeteve me qëllime të veçanta (SPV) që do të blejnë kreditë me probleme nga bankat.

SPV është një degë e krijuar nga një kompani për të izoluar rrezikun financiar. Statusi i saj juridik si një kompani e veçantë i bën të sigurta detyrimet e saj edhe nëse kompania mëmë falimenton.

N.Xh / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.