Biznesi në Eurozonë vijon të jetë i fortë – Investitorët, të shqetësuar se Delta mund t’a ngadalësojë ekonominë

Aktiviteti i biznesit në Eurozonë qëndroi i fortë edhe gjatë këtij muaji, pasi programi i shpejtë i vaksinimit kundër koronavirusit lejoi më shumë biznese të rihapen dhe konsumatorët të shpenzojnë më shumë. Nëse nuk do të kishte probleme me zinxhirin e furnizimit, për shkak të përhapjes së variantit Delta të koronavirusit, aktiviteti i biznesit do të kishte qënë edhe më i lartë.

Tashmë, analistët shqetësohen se qeveritë mund të rikthejnë një pjesë të kufizimeve pasi Delta po përhapet me shpejtësi, duke dëmtuar edhe optimizmin e biznesve. Indeksi i Markit, që cilësohet si një tregues i mirë i shëndetit të ekonomisë, ra në 59.5 pikë në gusht, nga 60.2 pikë që ishte në korrik. Indeksi po qëndron shumë më lart se niveli i 50 pikëve, që ndan rritjen nga kontraktimi, dhe pranë parashikimit të tregjeve për një rënie në 59.7 pikë.

Kryeekonomisti i Markit, Chris Williamson, deklaroi se rimëkëmbja ekonomike në Eurozonë qëndroi e fortë edhe në Gusht, ndërsa deri tani për tremujorin e  tretë është regjistruar niveli më i lartë në 21 vitet e fundit. Përsa i përket sektorëve, indeksi PMI që mat sektorin dominant të shërbimeve ra lehtë në 59.7 pikë në gusht, nga niveli më i lartë në 15 vite, prej 59.8 pikë që ishte në korrik.

Të dhënat e tërthorta sugjerojnë se rimëkëmbja do të vijojë, por indeksi që mat pritshmëritë në sektorin e shërbimeve për të ardhmen, u ngadalësua në 68.6 pikë, nga 69.1 që ishte në korrik. Edhe sektori i manifakturës pari një muaj solid, ku indeksi rezultoi në 61.5 pikë në gusht, nga 62.8 që ishte në korrik.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.