Brexit / “Djalli është në detaje” – Nga vizat tek tarifat dhe shkenca, cilat janë pikat kryesore të marrëveshjes me BE
Marrëveshja e tregtisë dhe sigurisë së Brexit, e finalizuar në prag të Krishtlindjes, shkon në 2,000 faqe, përfshirë anekset. Ajo do të hyjë në fuqi pasi të miratohet nga të dy palët.
Djalli i asaj për të cilën është rënë dakord do të jetë në detaje – dhe do të shqyrtohet gjatë ditëve në vijim. Këtu janë marrëveshjet kryesore, në një shikim të shpejtë.
Tarifat
Qasja pa tarifa dhe pa kuota në një nga tregjet më të mëdha në botë është shtylla kurrizore e marrëveshjes Brexit dhe shkon përtej marrëveshjeve të BE me Kanadanë ose Japoninë.
Tregtia
Do të ketë njohje reciproke të programeve të tregtarëve të besuar. Kjo do të thotë që prodhuesit në Mbretërinë e Bashkuar do të duhet të veprojnë në përputhje me standardet e MB dhe BE.
Kualifikimet profesionale
Nuk do të ketë më njohje automatike për mjekët, infermierët, arkitektët, dentistët, farmacistët, veterinerët, inxhinierët. Tani ata do të duhet të kërkojnë njohje në shtetin anëtar në të cilin dëshirojnë të praktikojnë.
Lëvizshmëria – liria e lëvizjes
Shtetasit e MB nuk kanë më lirinë për të punuar, studiuar, filluar një biznes ose të jetojnë në BE. Vizat do të kërkohen për qëndrime mbi 90 ditë.
Peshkimi
MB do të largohet nga politika e përbashkët e peshkimit. Anijet e BE-së që peshkojnë gjashtë deri në 12 milje detare nga vija bregdetare britanike do të jenë në gjendje të vazhdojnë gjatë tranzicionit, por hyrja do të negociohet në bazë vjetore pas kësaj. Duhet një njoftim tre-mujor për mbylljen e hyrjes. Nëse hyrja i refuzohet secilës palë, tjetra mund të kërkojë kompensim ose të aplikojë tarifa në një mënyrë proporcionale.
Shkenca
Mbretëria e Bashkuar do të vazhdojë të marrë pjesë në programin kryesor të BE-së 80 miliardë Euro Horizon Europe si një anëtar i asociuar i paguar për shtatë vjet. Do të vazhdojë gjithashtu në Kopernik dhe Euratom.
Erasmus
Mbretëria e Bashkuar është jashtë programit të shkëmbimit universitar, duke anashkaluar këmbënguljen e BE-së që të jetë një anëtar i asociuar për një plan pagese shtatë-vjeçar.
Siguria dhe zbatimi i ligjit
Hetimet policore ndërkufitare dhe zbatimi i ligjit mund të vazhdojnë, me marrëveshje që MB mund të mbetet në programet kryesore të shkëmbimit, por jo të gjitha. Britania e Madhe nuk do të jetë më pjesë e sistemit Evropian të Garancisë së Arrestimit. MB nuk do të jetë as anëtare e plotë e Europol ose Eurojust. Do të ketë “bashkëpunim të vazhdueshëm midis Mbretërisë së Bashkuar, Europol dhe Eurojust” dhe “bashkëpunim të fortë midis policisë kombëtare dhe autoriteteve gjyqësore”, shkruhet në marrëveshje.
Dosti Banushi – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.