ByteDance braktis shitjen e TikTok. Pritet të krijojë partneritet me Oracle për t’u mbrojtur nga SHBA
ByteDance ka braktisur shitjen e TikTok në Shtetet e Bashkuara për të ndjekur një partneritet me Oracle, që sipas kompanisë do ta mbrojë nga bllokimi i operacioneve dhe do të kënaqë gjithashtu kinën, sipas burimeve për Reuters. Firma ka zhvilluar më herët bisedime për të shitur biznesin tek Oracle apo një konsorciumi të drejtuar nga Microsoft, pasi Presidenti Donald Trump urdhëroi shitjen e kompanisë muajin e kaluar dhe kërcënoi mbylljen e aplikacionit në vend.
Ndërkohë që TikTok njihet për video të shkurtra që bëhen virale tek adoleshentët, zyrtarët amerikanë shqetësohen se informacioni i përdoruesve mund të kalojë tek qeveria kineze. TikTok ka mbi 100 milionë përdorues në SHBA dhe ka thënë se nuk do të ndajë kurrë informacione të tilla me autoritetet kineze. Negociatat për shitje ndaluan muajin e kaluar kur Kina ndryshoi rregullat e kontrollit të eksporteve, duke penguar transferimin e algoritmit të TikTok tek një blerës i huaj.
Reuters raportoi në javën e kaluar se Kina preferon ta shesë TikTok se sa të lejojë shitjen e detyruar. Sipas propozimit të fundit të ByteDance, Oracle do të jetë partneri teknologjik i firmës dhe marrë në dorëzim manaxhimin e të dhënave amerikane, sipas Reuters.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.