Doganat “çlirohen” nga COVID-19 – Rriten të ardhurat në Qershor, 6-mujori me bilancin më negativ në 5 vjet

Doganat shqiptare kanë nisur të “rigjallërohen” pas muajve të vështirë, ku për shkak të gjendjes së jashtëzakonshme të krijuar nga COVID-19, të ardhurat ranë ndjeshëm si pasojë e  reduktimit të aktivitetit tregtar. Kështu, sipas të dhënave zyrtare të Drejtorisë së Përgjithshme të Doganave, të ardhurat në muajin Qershor janë më të lartat e regjistruara gjatë gjithë gjysmës së parë të vitit, duke arritur në afro 13.3 miliardë lekë, edhe pse në krahasim me planin rezultojnë në -1.1 miliardë lekë.

Ndërsa muaji me perormancën më të dobët në realizmin e të ardhurave doganore, rezulton Prilli, me rreth 8.9 miliardë lekë. Në total në 6 mujor, të ardhurat nga doganat, ku përfshihen detyrimet doganore, akciza, TVSH-ja dhe renta minearre, u regjistruan në 68 miliardë lekë, me mos realizimim prej 5 miliardë lekësh në raport me planifikimin e bërë për këtë periudhë, ku duket se pandemia dhe bllokimi prej rreth 2 muajsh i jetës ekonomie, renia e import-eksporteve ka lënë pasojat e veta.

Në krahsim me të njëjtën periudhë të viteve të mëparshme, doganat kanë realizuar të ardhurat më të ulta që nga 2016-ta. Kontributin më të lartë në të ardhurat e gjysmës së parë të vitit e ka dhënë import i karburanteve me afro 21.9 për qind apo 14.9 miliardë lekë.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.