Dokumenti/ AstraZeneca ul më tej objektivin e furnizimit të vaksinave të BE në 30 milion
AstraZeneca uli parashikimin e furnizimit të vaksinës COVID-19 në Bashkimin Europian në tremujorin e parë në rreth 30 milion doza, një e treta e detyrimeve të saj kontraktuale dhe një rënie prej 25% nga premtimet e bëra muajin e kaluar, tregon një dokument i parë nga Reuters.
Mungesa është një goditje e mëtejshme në planet e vaksinimit të BE-së që tashmë janë penguar nga vonesat e përsëritura të furnizimit dhe një shpërndarje e ngadaltë në disa kombe. Dokumenti AstraZeneca, i ndarë me zyrtarët e BE dhe i datës 10 Mars, tregon se kompania tani pret të japë 30.1 milion doza deri në fund të Marsit dhe 20 milion të tjera në Prill.
Më 25 shkurt, shefi i AstraZeneca Pascal Soriot i tha Parlamentit Europian se kompania do të përpiqej të jepte 40 milion doza deri në fund të Marsit. Dokumenti tregon se më 24 shkurt, kompania anglo-suedeze kishte vlerësuar një furnizim me vetëm 34 milion doza në BE për periudhën janar-mars, shumë poshtë objektivit të saj të kontraktuar prej 90 milion dozash.
Shkurtimi i ri pason një vendim javën e kaluar nga Italia dhe Komisioni Europian për të bllokuar një dërgesë të vaksinave AstraZeneca nga Italia në Australi, në aplikimin e parë të një mekanizmi të BE që lejon bllokun të refuzojë kërkesat e eksportit nga prodhuesit e vaksinave që nuk janë në përputhje me Kontratat e furnizimit të BE-së.
Një person i njohur me situatën tha që rritja e dërgesave që kompania kishte pritur për tremujorin e parë nuk u materializuan për shkak të vështirësive në lëvizjen e vaksinave nëpër zinxhirët globalë të furnizimit.
Shtetet e Bashkuara, nga ku AstraZeneca priste të furnizonte pjesërisht tregun e BE, i thanë BE se nuk do të eksportonin doza AstraZeneca në të ardhmen e afërt, njoftoi Reuters të enjten, duke cituar zyrtarë të BE. Kompania kishte thënë që ndërprerjet e saj fillestare të furnizimit ishin shkaktuar nga problemet e prodhimit në BE. (Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.