Dy organizata bamirëse nisin misionin në Mesdhe për shpëtimin e emigrantëve

Dy organizata bamirëse të dedikuara për shpëtimin e emigrantëve në Mesdhe kanë rifilluar operacionet shtatë muaj pasi u detyruan të ndalonin përdorimin e anijes së tyre, Aquarius.

‘The Ocean Viking’ është anija e re ku do të fillojë të operojë me një ekuipazh prej 31 personash, duke përfshirë 13 anëtarë të ekipit të kërkim-shpëtimit nga SOS Mediterranee, nëntë mjekë dhe nëntë anëtarë detarë të ekuipazhit civil e cila ka një kosto prej 14.000 euro në ditë.

Frédéric Penard, shefi i operacioneve të SOS Mediterranee tha se BE aktualisht nuk është duke bërë mjaft: “Shtetet e BE kanë vazhduar një fushatë të ashpër të kriminalizimit të anijeve shpëtuese dhe më e rëndësishmja, ende nuk ka mekanizëm të koordinuar, të qëndrueshëm dhe të përbashkët të zbarkimit në përputhje me ligjin detar.

Në 3 vjet këto organizata kanë arritur të shpëtojnë rreth 30,000 jetë njerëzish.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.