Ekonomia italiane i besohet një historiani – Kush është ministri i ri i Ekonomisë Roberto Gualtieri
Rikthehet një politikan në krye të dikasterit të ekonomisë në Itali: Roberto Gualtieri (53 vjeç), zëvëndësdrejtor i Institutit Antonio Gramsci dhe president i konfirmuar i Komisionit të Ekonomisë dhe të Financës në Komisionin Europian.
Ai është profesor i historisë bashkëkohore në La Sapienza. Është shumë i vlerësuar në Bruksel sikurse në Itali si në fushën e financave publike ashtu edhe në sektorin bankar. I lindur në vitin 1966, ai është diplomuar në fakultetin e Filologjisë dhe Letërsisë në Sapienza dhe më pas ka bërë doktoraturë në Histori Bashkëkohore.
Ai i ka kaluar vitet e rinisë mes universitetit dhe aktivizmit politik. Në periudhën 2001-2006 ka qenë anëtar i sekretarisë në Romë për Demokratët e së Majtës. Në 2007 është zgjedhur anëtar i Asamblesë Kombëtare të PD-së dhe në vitin pasues ka hyrë në drejtimin kombëtar të kësaj force.
Tashmë që është konfirmuar në drejtimin e ekonomisë italiane, gjëja e parë që do të duhet të bëjë është që të negociojë në Bruksel për rritjen e deficitit në vitin 2020.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.