“Ekonomia po lëngonte edhe para tërmetit” – Buxheti faktik 2019/ Roshi: Reflekton keq qeverisje! Bushati: Ishim të përgatitur!

Opozita parlamentare akuzon qeverinë se ka tentuar të mbulojë parregullsitë në hartimin dhe zbatimin e buxhetit të vitit 2019, i cili tregon se ekonomia shqiptare po lëngonte edhe përpara tërmetit  të 26 Nëntorit. Gjatë diskutimeve të buxhetit faktik në seancë plenare, deputeti Artur Roshi theksoi se dokumenti pasqyron keqqeverisjen përgjatë kësaj periudhe.

Ndërsa deputeti socialist Ervin Bushati, theksoi se gjatë 2019-ës,  rritja ekonomike ka qenë në nivele të kënaqshme, defiçiti po ashtu, papunësia ra në nivel rekord, si dhe sipas tij, falë lehtësive fiskale të ndërmarra nga qeveria, ekonomia ishte më e përgatitur për të përballuar dy tërmetet e njëpasnjëshme.

Më herët, Kontrolli i Lartë i Shtetit përmes një raporti auditimi ka nxjerrë në pah shkelje të shumta në zbatimin e buxhetit të viti 2019, sa i takon realizimit të të ardhurave, shpenzimeve, detyrimeve të prapambetura,etj.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.