Eksporteve të Shqipërisë në Kosovë i mungojnë 4 miliardë lekë këtë vit!  Mallrat që ndikuan

Eksporti i mallrave shqiptare drejt Kosovës ka njohur rritje në muajin nëntor, megjithatë në rang 11 mujori (janar-nëntor 2020) bilancit i ‘mungojnë’ 4 miliardë lekë në krahasim me të njëjtën periudhë të një viti më parë. Në total,Shqipëria ka eksportuar në Kosovë 23 miliardë e 563 milionë lekë këtë 11 mujor në krahasim me 27 miliardë e 607 milionë lekënë 11 mujorin e 2019.

Ndryshe ka ndodhur me importet që rezultojnë me një rritje prej 300 milionë lekësh në krahasim me 11 mujorin e 2019.

Çfarë eksportuam më pak në Kosovë?

Nëse analizojmë grupmallrat rezulton se ndikimin më të madh në këtë rënie e kanë pasur grupet minerale, lënde djegëse e energji elektrike ku këtë vit kemi eksportuar 2 miliardë lekë më pak dhe grupi materiale ndërtimi dhe metale ku janë eksportuar po 2 miliardë lekë  më pak.

Ndërkohë, grupmallrat ushqim, pije e duhan janë eksportuar 300 milonë lekë më shumë, lëkurë dhe artikuj lëkure 4 milionë lekëmë shumë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.