Erërat e forta – ARRSH: Tabela të rrëzuara e dëmtime të sinjalistikës në akset Milot-Lezhë-Shkodër e Thumanë-Milot
Erërat e forta kanë shkaktuar incidente në shumë qytete të vendit. Përmes një njoftimi, Autoriteti Rrugor Shqiptar njofton se si pasojë e tyre ka pasur dëmtime dhe shembje të sinjalistikës rrugore në disa akse.
“Si pasojë e erërave të forta në akset: Milot-Lezhë-Shkodër, Thumanë-Milot ka pasur disa tabela të rrezuara dhe ka dëmtim të sinjalistikës vertikale. Gjithashtu mbas Mamurrasit në drejtim të Lezhës vijon erë me intensitet të lartë.”
Ndërkohë, erëra të forta kanë përfshirë edhe Korçën e Gjirokastrën, ku ARRSH këshillon drejtuesit e mjeteve që të përdorin zinxhirë gjatë qarkullimit. Ndërsa, janë regjistruar incidente edhe në segmentin Tiranë-Elbasan.
“Në segmentin Tiranë-Elbasan ka pasur rënie të një peme në trup të rrugës, grupi i punës është në vendndodhje dhe ka punuar për pastrimin e rrugës dhe rihapjen e qarkullimit”, thuhet më tej në njoftimin e ARRSH-së, e cila fton përdoruesit e mjeteve që të lëvizin me shpejtësi të reduktuar me qëllim shmangien e aksidenteve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.