Europa me një dyndje emigrantësh ilegalë – Rritet ndjeshëm numri pas lirimit të masave nga koronavirusi
Pesë herë më shumë emigrantë kaluan në Bashkimin Europian në maj në krahasim me një muaj më parë pasi bllokimet e koronavirusit në të gjithë kontinentin janë lehtësuar dhe kufijtë janë rihapur.
Frontex, Agjensia e Rojes Kufitare dhe Bregdetare të BE, tha se kishte regjistruar 4,300 vendkalime të paautorizuara në maj krahasuar me rreth 900 në prill, totali më i ulët që nga fillimi i mbledhjes së të dhënave në 2009.
Një total prej 31.600 emigrantësh kanë kaluar në Europë ilegalisht në vitin 2020 deri më tani, një rënie prej vetëm 6% nga e njëjta periudhë në 2019-ën.
Prej tyre, 12.700 kanë ardhur përmes të ashtuquajturës ‘rrugë mesdhetare Lindore’, nga deti nga Turqia në Greqi, përfshirë 1.250 vetëm në maj. Pjesa më e madhe e atyre që vijnë përmes Turqisë janë nga Afganistani, zbulojnë të dhënat e Frontex.
Mbi 5.500 kanë arritur në Europë përmes të ashtuquajturës ‘Rruga e Mesdheut Qendror’, nga Afrika e Veriut në Europë, përfshirë 1.000 në maj. 6.900 emigrantë të tjerë kanë ardhur përmes Ballkanit Perëndimor, me një rritje prej 50% krahasuar me të njëjtën periudhë të vitit të kaluar.
Organizata Ndërkombëtare e Emigracionit tha në Mars se numri i vlerësuar i vdekjeve të emigrantëve të cilët u përpoqën të kalojnë Mesdheun kaluan 20,000 vdekjeve që nga viti 2014.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.