Fasonët rrezikojë kontratat! Kërkesa për qeverinë/ Pagën minimale për 76 mijë punonjës

Masat e marra nga qeveria për frenimin e përhapjes së Coronavirusin në vendin tonë kanë vënë në vështirësi edhe industrinë fasone.

Kompanitë më material portositesi që ushtrojnë aktivitet në Shqipëri, rrezikojnë të humbasin kontratat me partnerët ndërkombëtarë, të cilat kanë afate, për shkak të reduktimit të stafit.

Të gjendur në këtë situatë, ashtu edhe si shumë biznese të tjera, industria fasone i ka dorëzuar qeverisë një sërë kërkesash për të mos lejuar zhytjen e saj në humbje, ccka mund të sjellë dhe shkurtim stafi.

Kështu, Dhoma e Fasonistëve të Shqipërisë kërkon nga qeveria pagesën e pages minimale për punonjësit për një periudhë 3-6 muaj, në varësi të zgjatjes së situatës, rimbursimin për qiratë e ambienteve për 3-6 muaj, zerimin e tatimeve për kompanitë dhe të sigurimeve shoqërore të punonjësve, zerimin e interesave të kredisë dhe shtyrje të principalit, si dhe mosmbledhjen e taksave vendore.

Në industrinë me material porositësi janë të punësuar 76 mijë punonjës në 763 ndërmarrje.

Sipas kryetarit të Dhomës së Fasoinstëve, Gjergji Gjika, i cili bën me dije kërksat për SCAN, ende  nuk ka një shifër të dëmit për këtë industri gjatë kësaj periudhe, pasi nuk bëhet fjalë për fitim të munguar, por për zerimi të xhiros, që sjell humbje në varësi te kontratave.

Kërkesat e fasonëve

Pagën minimale për punonjësit, 3-6 muaj

Rimbursimin për qiratë e ambienteve, 3-6 muaj

Zerimin e tatimeve për kompanitë

Zerimin e sigurimeve shoqërore të punonjësve

Zerimin e taksave vendore

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.